​Balje: Drejtësia ka emër

 

Duda Balje pas vendimit të Gjykatës Supreme dhe certifikimit të rezultateve të zgjedhjeve të 14 shkurtit, ka falënderuar të gjitha mediat dhe shoqërinë civile për angazhimin dhe përkrahjen në arritjen e drejtësisë.

Ajo ka premtuar se do të angazhohet në Kuvendin e Republikës të Kosovës për avancimin e ligjshmërisë për rrjedhat e ardhshme të shoqërisë civile dhe mediave në Kosovë.

“Ndjej obligim njerëzor, moral dhe politik që nga thellësia e zemrës t’ju falenderohem të gjitha mediumeve veçanarisht, Institutit Kosovar për Drejtësi – IKD ( dhe shoqërisë civile kosovare) për angazhimin dhe përkrahjen e pashoqe në arritjen e drejtësisë me rastin e manipulimit të votave në këtë proces zgjedhor”, ka shkruar ndër të tjera Duda Balje në Facebook.

Komisioni Qendror i Zgjedhjeve sot certifikoi rezultatin e zgjedhjeve të 14 shkurtit./21Media