Kaloni te përmbajtja kryesore

1.6 milionë euro e mbi 74 milionë dinarë u konfiskuan sot në filialet e Bankës Postare Kursimore në veri

May 20, 2024Përditesimi i fundit: May 20, 2024

(Lajm i përditësuar)

1.6 milionë euro e mbi 74 milionë dinarë u konfiskuan sot në filialet e Bankës Postare Kursimore në veri

Përmes një komunikate për media, Policia e Kosovës ka dhënë detaje shtesë për aksionin e zhvilluar të hënën në veri, ku u mbyllën gjashtë filiale të Bankës Postare Kursimore.

Policia ka njoftuar se është konfiskuar një sasi e konsiderueshme e parave.

“Operacioni policor i realizuar sot në veri të vendit, ku u mbyllen gjashtë njësi ilegale të të ashtuquajturës ‘Bankë Postare Kursimore’, rezultoi edhe me konfiskimin e provave të ndryshme materiale siç janë; Rreth 1.600.000 euro, Rreth 74.700.000 dinarë, rreth 19.500 franga, rreth 13.800 dollarë amerikanë, rreth 40 dollarë australianë. Dokumentacione dhe prova relevante që ndërlidhen me rastin”, thuhet në komunikatën e Policisë.

Tutje thuhet se në filialet e kësaj banke janë vendosur shenjat zyrtare për mbylljen e tyre.

Policia mbyll gjashtë njësi të Bankës Postare Kursimore në veri

Policia e Kosovës, pas raportimeve të institucioneve monitoruese financiare, si Njësia e Inteligjencës Financiare dhe Banka Qendrore e Kosovës, së bashku me Administratën Tatimore të Kosovës, bazuar në autorizim të prokurorit kompetent, është duke zhvilluar një operacion policor në gjashtë lokacione të katër komunave në veri të Kosovës, e që janë i ashtuquajturi Trezori i Bankës Postare Kursimore (Banka Postanske Stedionice) dhe pesë filialeve të tjera të saj, që kanë vepruar ilegalisht në këtë zonë të Republikës së Kosovës.
”Ky operacion policor është duke u zhvilluar në bashkëpunim dhe koordinim me institucionet përkatëse të Kosovës dhe organeve të drejtësisë, aksion ky i cili deri më tani ka kaluar pa ndonjë problem apo incident. Qëllimi i operacionit policor është vendosja e rendit dhe ligjshmërisë, ku me autorizim të prokurorit kompetent gjashtë njësi të ashtuquajturës bankës postare kursimore ilegale, në veri të vendit janë mbyllur”, thuhet në njoftimin e Policisë.

Policia me aksion në Mitrovicë të Veriut

Policia e Kosovës sot ka zhvilluar aksion në Bankën e Postës në Mitrovicë të Veriut.

Në këtë aksion po marrin pjesë edhe zyrtarët e Administratës Tatimore të Kosovës.

Zëvendësdrejtori i Policisë në rajonin e Mitrovicës së Veriut, Veton Elshani, ka thënë se aksioni është mbajtur nën dyshimin që disa biznese po zhvillojnë veprimtari të kundërligjshme.

Lexim me zë

Dëshiron ta dëgjosh këtë lajm me zë?

0:00

May 20, 2024Përditesimi i fundit: May 20, 2024
Show More
Back to top button