13 të vdekur pas rrëzimit të helikopterit, në mesin e viktimave edhe gjenerali

13 persona humbën jetën pasi helikopteri i Forcave Ajrore të Indisë Mi-17V5 u rrëzua në kodrat pranë qytetit Coonoor.
Shefi i Shtabit të Mbrojtjes Gjeneral Bipin Rawat, gruaja e tij dhe 11 të tjerë mbetën të vdekur.
Ndërsa, një i mbijetuar po trajtohet për plagët e marra në spital, trasnmeton rtv21.tv.
Gjenerali Rawat, 63 vjeç, u emërua Shefi i parë i Shtabit të Mbrojtjes të Indisë në janar të vitit 2019.
Forcat Ajrore Indiane thanë se kishin urdhëruar një hetim mbi aksidentin. Një komitet sigurie i kabinetit do të mbajë një seancë urgjente, të kryesuar nga kryeministri Narendra Modi.
Helikopteri sapo ishte nisur nga baza ushtarake në Sulur dhe ishte nisur për në qytetin Wellington, më pak se 100 km larg, ku Gjenerali Rawat ishte caktuar të vizitonte Kolegjin e Stafit të Shërbimeve të Mbrojtjes.
I mbijetuari i vetëm i përplasjes është një kapiten që punon në kolegj.
Një vit më parë, një helikopterë ishte rrëzuar menjëherë pas ngritjes gjatë një stërvitje ushtarake në shtetin verior të Uttarakhand./21Media