BE dhe SHBA kundër ndalimit të laptopëve në fluturime

SHBA në mars vendosi restrikcione për fluturime

Ndalimi për laptop dhe tabletë, i cili aktualisht është në fuqi për disa fluturime nga Lindja e Mesme, nuk do të zgjerohet në fluturimet nga Evropa.

Për këtë janë pajtuar dhe kanë vendosur zyrtarë të BE-së dhe SHBA-ve në një takim që është mbajtur në Bruksel.

SHBA në muajin mars vendosi restrikcione për fluturimet që vijnë nga Turqia, Maroku, Jordani, Egjipti, Emiratet e Bashkuara Arabe, Katari, Arabia Saudite dhe Kuvajti.

Hapa të tillë janë ndërmarrë pasi raportimeve se grupet terroriste përdorin pajisjet elektronike për fshehjen e bombës dhe agjencitë e sigurisë kanë shfaqur brengën në lidhje me vendosjen e një numri të madh të pajisjeve në bagazhin e aeroplanëve.