4 të lënduar në aksidentin e trafikut në Bresalc të Gjilanit
Katër persona kanë pësuar lëndime si pasojë e një aksidenti të komunikacionit sot në Bresalc të Gjilanit.
Valon Osmani nga policia rajonale në Gjilan, ka bërë të ditur për kp se në aksident kanë qenë të përfshira dy automjete.
“Sot rreth orës 16:30, kemi pranuar informacion për një aksident trafiku në fshatin Bresalc të komunës së Gjilanit. Në këtë aksident të përfshira kanë qenë dy automjete, ku përpos dëmeve material lëndime trupore kanë pësuar katër persona. Të njëjtit janë dërguar në qendrën Emergjente të Spitalit rajonal të Gjilanit ku janë duke pranuar tretman mjekësor”, ka thënë ai.
Rrethanat e aksidentit po hetohen nga Njësiti rajonal i Komunikacionit Rrugor në Gjilan.
Lexim me zë
Dëshiron ta dëgjosh këtë lajm me zë?