4 të vrarë dhe 11 të plagosur në sulmet ruse në Donetsk

Katër persona janë vrarë pas sulmeve dhe bombardimeve me raketa ruse në rajonin Donetsk të Ukrainës lindore dhe 11 të tjerë janë plagosur, tha të dielën kreu i administratës ushtarake të rajonit, Pavlo Kyrylenko.
Shërbimet e urgjencës shpëtuan nëntë persona nga një ndërtesë pesëkatëshe që u shkatërrua nga sulmi, postoi Shërbimi Shtetëror i Emergjencave të Ukrainës në Telegram.
Katër ndërtesa të larta dhe një kopsht fëmijësh u dëmtuan pas dy sulmeve me raketa në qytetin e Druzhkivka, shkroi Kyrylenko në Telegram, duke shtuar në një përditësim të dielën, se disa shtëpi dhe ndërtesa u shkatërruan nga bombardimet diku tjetër në rajon.
Kyrylenko u ka kërkuar banorëve të largohen nga zona, duke e quajtur atë një “çështje jete a vdekjeje”./21Media