Nitaj ka thënë se Nisma nuk po ndahet nga PAN

Nitaj ka thënë se Nisma nuk po ndahet nga PAN

Muharrem Nitaj nga AAK ka reaguar  pas raportimeve se Nisma është ndarë nga koalicioni PAN ku pjesë e këtij koalicioni janë PDK-AAK-Nisma. Nitaj ka thënë se Nisma nuk është duke u ndarë nga koalicioni PAN dhe se ky koalicion do ta bëjë Qeverinë.

Ashtu siç deklaroi më herët anëtari i Nismas, Bilall Sherfi se Nisma do të ketë grup parlamentar të vetin në Kuvend kështu ka deklaruar edhe Nitaj i cili ka thënë se është në diskrecionin e partive politike, aleate të koalicionit PAN, nëse do të vazhdojnë me grupe të ndara parlamentare, apo do të vendosin të jenë një grup i vetëm parlamentar.

“Eshtë në diskrecionin e partive politike, aleate të koalicionit PAN, nëse do të vazhdojnë me grupe të ndara parlamentare, apo do të vendosin të jenë një grup i vetëm parlamentar. Kjo vendoset pas certifikimit të rezultateve. Nuk ka asnjë lidhje nëse grupet parlamentare funksionojnë si të vetme në parlament, me largimin e ndonjë partie nga koalicioni PAN”, thuhet në postimin e Nitajt

“Po i shoh makineritë propagandistike se si po shpërndajnë rrena për largimin e Nismës nga PAN. Më duhet t’i zhgënjej të gjithë ata, se kjo s’ka të bëjë fare me largimin nga koalicioni. PAN i ka rezultatin më të mirë, dhe atij i takon ta bëjë qeverinë. Pritni e mos u ngutni me ba pazare, sepse ka disa rregulla në këtë shtet. Ata që e njohin këtë shtet, duhet t’i respektojnë këto rregulla, jo sepse duan, por sepse nuk kanë zgjidhje tjetër”, përfundon postimi i anëtarit të AAK-së./21Media