76-vjeçarit në Ferizaj i gjenden pushkë gjuetie, pistoletë e municion në shtëpi
Një 76-vjeçari i është gjetur një pistoletë, një pushkë gjuetie dhe municion në Ferizaj.
Sipas Policisë, informacionet ishin se ai posedonte një armaë me leje të skaduar.
“Me datë 23.02.2025, rreth orës 12:15, Njësiti i Hetimeve të stacionit policor në Ferizaj ka pranuar informacionin se një person, mashkull, kosovar, 76 vjeç, nga fshati Dardani, Ferizaj, po mbante në pronësi armë zjarri me leje të skaduar që nga viti 2021”, thuhet në njoftim.
Policia njofton se të dyshuarit iu sekuestrua një pushkë gjuetie, një revole dhe një sasi e municionit.
“Pas pranimit të kësaj informate, Njësiti i Hetimeve ka kontaktuar me personin, i cili mbante në mënyrë të paautorizuar armë zjarri. Si rezultat, në shtëpinë e tij janë gjetur dhe konfiskuar: – 1 pushkë gjuetie, 35 fishekë gjuetie- 1 pistoletë (revole) me 47 fishekë”, thuhet tutje në njoftimin e Policisë.
Dëshiron ta dëgjosh këtë lajm me zë?