79 vjeçari i dërgoi mesazh vajzës para vetëvrasjes

Viktima para se të hidhej nga ura i ka dërguar një mesazh vajzës së tij

Gjatë ditës së djeshme në Gjakovë është gjetur një trup i pajetë tek Ura e Fshejtë.

Ndërsa, prokuroria ka bërë të ditur se aty ka ndodhur një vetëvrasje, raporton KALLXO.com

Viktima H.A, para se të hidhej nga ura, i ka dërguar një mesazh vajzës së tij për ta njoftuar atë se do t’i jepte fund jetës së tij.

Sipas zëdhënëses së Prokurorisë, Yllka Shehut dyshohet se viktima ka kërkuar nga vajza e tij që të shkojë tek ura për ta marrë automjetin e tij.

Bëhet e ditur tashmë se viktima është personi H.A, të cilin zyrtarët policor e kishin gjetur në sipërfaqen e ujit.

Trupi i të njëjtit, me urdhër të prokurorit të shtetit i është kthyer familjarëve të tij./kallxo.com