Osmani s’e përkrah letrën e Gërvallës: Nuk u konsultua me Presidencën

Presidenca e Kosovës ka njoftuar  se letra e djeshme e Qeverisë e dërguar në Këshillin e Evropës, nuk është konsultuar e dakorduar me presidenten e Kosovës.

Këshilltari për media i presientes, ka thënë se   se Osmani do ta mbështesë çdo veprim në drejtim të realizimit të anëtarësimit, në përputhje të plotë me interesat shtetërore dhe Kushtetutën e Republikës së Kosovës.

“Presidentja Osmani përkrahë vetëm qëndrime dhe veprime paraprakisht të konsultuara, të koordinuara dhe të dakorduara me institucionin e Presidencës si institucion kushtetues me kompetenca të qarta në fushën e politikës së jashtme dhe si gardian i funksionimit kushtetues të institucioneve. Kjo letër nuk është e tillë. Mund të jetë konsultuar e koordinuar me individë jashtë institucioneve që sot e kanë publikuar këtë letër, por jo me Presidencën”, thuhet në deklaratën nga Presidenca.

Sipas deklrataës, presidentja Vjosa Osmani do ta mbështesë çdo veprim në drejtim të realizimit të anëtarësimit, në përputhje të plotë me interesat shtetërore dhe Kushtetutën e Republikës së Kosovës

“Prandaj edhe po bën përpjekje që shtetet anëtare të binden që sa më parë që të jetë e mundur të thirret një seancë e jashtëzakonshme ku do të votohet pro anëtarësimit të Kosovës në këtë organizatë”.

Lidhur me këtë Gërvalla ka thënë se është konslutuar me të gjitha insitucionet por që kur është pyetur nuk e ka psecifikuar presidenten.