Osmani takohet me ambasadorin Hovenier, diskutojnë për zgjedhjet
Presidentja e Republikës së Kosovës, Vjosa Osmani e ka njoftuar ambasadorin amerikan Jeff Hovenier lidhur me nisjen e fazës së konsultimeve me krerët e partive politike sa i përket zgjedhjeve të rregullta.
Presidenca njofton se në takim, Osmani dhe Ambasadori Hovenier kanë diskutuar për koordinim për takimet dhe aktivitetet gjatë Javës së Nivelit të Lartë të Asamblesë së Përgjithshme të Kombeve të Bashkuara (UNGA), ku Presidentja Osmani do ta përfaqësojë Republikën e Kosovës në cilësinë e saj si kreu i shtetit.
Tutje, në takim është diskutuar për zhvillimet e fundit në vend me fokus të veçantë në çështjet e sigurisë, si dhe tema të tjera të interesit nacional./21Media
Lexim me zë
Dëshiron ta dëgjosh këtë lajm me zë?