Petkoviq në Bruksel me pritje të vogla, nis takimin me Lajçakun
Kryenegociatori serb, Petar Petkoviq, ka nisur takimin bilateral me emisarin e BE-së për dialogun Kosovë-Serbi, Miroslav Lajçak dhe ekipin e tij.
Petkoviq para takimit me Lajçak ka thënë se s’pret shumë nga takimi në Bruksel, ndonëse sipas tij “delegacioni serb vjen gjithmonë i përgatitur në bisedime për të arritur një zgjidhje kompromisi”.
Në Bruksel ndodhet edhe kryenegociatori kosovar, Besnik Bislimi. Pritet të shihet nëse do të ketë edhe takim trepalësh, pas takimeve që dy kryengociatorët do t’i kenë me emisarin sllovak, Miroslav Lajçak.
Ky takim në Bruksel vjen pas sulmit të ndodhur në Ibër-Lepenc, sulm për të cilin Kurti e ka bërë përgjegjëse Serbinë.