Begaj uron ShBA-në për 4 Korrikun, e falënderon për mbështetjen e Shqipërisë

Presidenti i Shqipërisë, Bajram Begaj, ka uruar popullin amerikan për 4 Korrikun, 249-vjetorin e Pavarësisë së Shteteve të Bashkuara të Amerikës.

Në nderim të kësaj dite, Begaj, përmes një postimi në profilin e tij zyrtar në platformën “X” shprehu mirënjohje për mbështetjen e Shteteve të Bashkuara ndaj Shqipërisë dhe përkushtimin për të qëndruar të bashkuar e për të forcuar këto lidhje.

“Në këtë ditë feste për miqtë dhe aleatët tanë amerikanë, Shqipëria shpreh mirënjohjen më të thellë për miqësinë e qëndrueshme dhe partneritetin strategjik me Shtetet e Bashkuara të Amerikës. Qëndrojmë të bashkuar në përkushtimin tonë të përbashkët ndaj vlerave demokratike, paqes dhe sigurisë globale, duke shpresuar në forcimin e mëtejshëm të lidhjeve mes dy kombeve tona të mrekullueshme”, ka shkruar Begaj.

Happy #4thofJuly 🇺🇸!

On this day of celebration for our American friends and allies, Albania expresses its deep gratitude for the enduring friendship and strategic partnership with the United States.

We stand united in our shared commitment to democratic values, peace, and… pic.twitter.com/FwoHIYlmMR

— Bajram Begaj (@BajramBegajAL) July 4, 2025