Çifti pagëzojnë vajzën “Chat Yipiti” si sinonim të ChatGPT-së
Një çift kolumbian ka bërë bujë pasi e kanë pagëzuar vajzën e tyre të porsalindur “Chat Yipiti”, si lojë fjalësh me programin e inteligjencës artificiale ChatGPT.
Emri i pazakontë u regjistrua zyrtarisht në Zyrën Kombëtare të Regjistrimit në qytetin Cereté pa asnjë kundërshtim.
Sipas mediave lokale, prindërit e Chat Yipiti Bastidas Guerra thanë se e zgjodhën këtë emër si një homazh për epokën e inteligjencës artificiale. Zgjedhja ka shkaktuar reagime të përziera në internet, me shumë njerëz që e kritikojnë dhe shprehin shqetësime se çfarë ndikimi mund të ketë në të ardhmen e fëmijës.
Ky rast nuk është i vetmi. Kolumbia ka një histori të gjatë të regjistrimeve jo të zakonshme, me emra të frymëzuar nga sporti, filmat dhe yjet e muzikës, si “Maicol Yordan” dhe “Brayan Spears”, të cilët shpesh nxisin polemika.
Zyra Kombëtare e Regjistrimit herë pas here ka ndaluar emra si “Miperro” (Qeni im) apo “Satanás” (Satani), duke argumentuar se bien ndesh me dinjitetin e personit.
Në të gjithë Amerikën Latine, emrat e pazakontë janë mjaft të zakonshëm, shpesh me drejtshkrime unike për shkak të fonetikës spanjolle.
Në Kolumbi janë regjistruar variante si “Yeison” (Jason) dhe “Stallone” në nder të Sylvester Stallone. Raste të kaluara kanë përfshirë madje edhe fëmijë të regjistruar si “Mozart”, “Facebook”, apo emra të lidhur me këngëtarë, produkte ose figura historike. Megjithatë, ekspertët e psikologjisë së fëmijëve dhe sociologjisë paralajmërojnë se emrat që nxisin tallje mund të ndikojnë negativisht në vetëvlerësim dhe mirëqenie emocionale me kalimin e kohës.
Dëshiron ta dëgjosh këtë lajm me zë?