Hoti: BE-ja pezulloi mbi 600 milionë euro projekte për Kosovën

Masat ndëshkuese të Bashkimit Evropian ndaj Kosovës kanë pasur ndikim të thellë financiar për vendin, me një kosto të përgjithshme që arrin në 613.4 milionë euro për periudhën qershor 2023 – prill 2025. Kështu ka deklaruar deputeti i LDK-së, Avdullah Hoti përmes një postimi në Facebook.

“Këtu përfshihen projektet e pezulluara për afat të pacaktuar. Nga kjo shumë, 7.1 mln euro janë të humbura plotësisht, të cilat parashiheshin për bujqësi, turizëm rural, ndërmarrje etj. Sektorët më së shumti të ndikuar janë: mjedisi 351 mln euro, energjia 114 mln euro, digjitalizimi 57 mln euro, kultura 15 mln euro etj.”, ka shkruar Hoti në  Facebook ku ka paraqitur tabelën me projektet kryesore që janë të pezulluara./21Media