Pretendimet për keqpërdorim të votave në Mitrovicë, Prokuroria po grumbullon informata

Dyshimet për blerje dhe vjedhje të votës në Shipol të Mitrovicës kanë vënë në lëvizje Prokurorinë Themelore të Mitrovicës.

Lajmin për portalin rtv21.tv e ka konfirmuar zëdhënësi i Prokurorisë Themelore të Mitrovicës, Valon Preteni, i cili ka thënë se Prokuroria ka nisur të grumbullojnë informacione lidhur me këto pretendime.

“Janë duke u grumbulluar informata lidhur me pretendimet për keqpërdorim të votave në këtë lokacion. Kaq mund të themi në këtë fazë”, tha Preteni.