Maduro kërkon kushtetutë të re, opozita në protesta
Presidenti Venezuelës, Nicolas Maduro sot kërkoi hartimin e një kushtetute të re, e cila ide është kundërshtuar nga opozita e vendit.
Maduro e bëri këtë njoftim përpara turmës së mbështetësve të tij të mbledhur në qendër të Karakasit.
Në të njëjtën kohë u zhvilluan në disa lagje të tjera protesta të opozitës, ku kërkoheshin zgjedhje të parakohshme dhe dorëheqjen e presidentit Maduro.
Tubime të opozitës pati edhe në qytete të tjera të Venezuelës.