Hoxhaj për gazetën greke: Greqia ta njohë Kosovën
Hoxhaj ka folur edhe për zhvillimet në Kosovë
Ministri i Punëve të Jashtme të Kosovës, Enver Hoxhaj në një intervistë për gazetën greke Kathimerini ka folur për zhvillimet në Kosovë, rajon si dhe për marrëdhëniet e Kosovës me Greqinë.
Hoxhaj ka thënë se njohja e Kosovës nga shteti grek do të shënonte një miqësi të re politike mes dy vendeve në rajon.
Ai ka shprehur mirënjohjen për mbështetjen e Greqisë për anëtarësimin në disa organizata ndërkombëtare, duke theksuar rolin e përfaqësuesve diplomatikë që shërbejnë në Kosovë, ushtarëve grekë të cilët kanë shërbyer në Kosovë në kuadër të KFOR-it, si dhe misioneve të tjera të rëndësishme për shtet-ndërtimin e Kosovës.
Përveç marrëdhënieve me Greqinë, në këtë intervistë Hoxhaj ka folur edhe për zhvillimet në Kosovë, dialogun me Serbinë, si dhe zhvillimet rajonale.
Dëshiron ta dëgjosh këtë lajm me zë?