Haradinaj nuk beson se do të ekstradohet në Serbi
“Asnjëherë nuk dihet, por ndjenja ime është që nuk do të nguten”
Lideri i AAK-së dhe ish-kryeministri i Kosovës, Ramush Haradinaj, ka deklaruar se nuk pret që gjykata në Colmar të enjten të marrë vendim për ekstradimin e tij në Serbi.
“Asnjëherë nuk dihet, por ndjenja ime është që nuk do të nguten. Gjykata do të shqyrtojë informacionet e kërkuara nga Beogradi dhe vendimi mund të merret në javët e ardhshme”, tha Haradinaj në një intervistë për AFP.
Haradinaj është ndaluar nga autoritetet e Francës më 4 janar të këtij viti, në bazë të një aktakuze të ngritur nga Serbia në vitin 2004 për kinse krime lufte në Kosovë.
Lexim me zë
Dëshiron ta dëgjosh këtë lajm me zë?