Dhurohen 1.5 milionë dollarë për ta ndihmuar Kosovën në pandemi
Fondacionet për Shoqëri të Hapur njoftuan sot se planifikojnë të dhurojnë 1.5 milionë dollarë për të ndihmuar institucionet e Kosovës në luftën kundër pandemisë së COVID-19.
Fondet emergjente do të shfrytëzohen nga Fondacioni i Kosovës për Shoqëri të Hapur për të blerë rreth 100,000 teste Real Time PCR për COVID-19 dhe do ta bëjnë të mundshme që institucionet publike të rrisin kapacitetet e tyre testuese, përfshirë edhe spitalet rajonale – një shtytje e madhe për institucionet publike të cilat për momentin mund të procesojnë rreth 500 teste në ditë.
“Testimi është një hap i rëndësishëm në asistimin e kontrollimit të pandemisë,” deklaroi Alexander Soros, zëvendëskryesuesi i Bordit të Fondacioneve për Shoqëri të Hapur. “Fitorja në luftën kundër COVID-19 është kyçe për të bërë të mundshme që populli i Kosovës të lulëzojë dhe prosperojë”, tha Alexander Soros, zëvendëskryesuesi i Bordit të Fondacioneve për Shoqëri të Hapur.
Ky grant i njëhershëm emergjent është pjesë e angazhimit më të gjerë të Fondacioneve për Shoqëri të Hapur për të lehtësuar efektet e pandemisë. Në prill, Fondacionet premtuan një investim prej 130 milionë dollarësh për të luftuar shkatërrimin e shkaktuar nga pandemia e koronavirusit në mbarë botën. Vetëm në Kosovë, Fondacioni ka shpenzuar rreth 600,000 dollarë për të ndihmuar komunitetet e ndjeshme, punëtoret jo-formalë dhe mediat e pavarura.
“Pandemia i ka zbuluar pikat e ndjeshme të sistemit tonë të shëndetit publik dhe ka dërmuar ekonominë tonë,” deklaroi Luan Shllaku, drejtor ekzekutiv i Fondacionit të Kosovës për Shoqëri të Hapur. “Ne shpresojmë se rritja e kapaciteteve testuese do të ndihmojë institucionet e Kosovës në menaxhimin e krizës shëndetësore dhe do të kontribuojë në hapjen e sigurtë të ekonomisë”, përfundoi ai.
Fondacioni i Kosovës për Shoqëri të Hapur, i themeluar në shtator të vitit 1999, është pjesë e Fondacioneve për Shoqëri të Hapur – rrjet i fondacioneve filantropike dhe donatori më i madh privat i grupeve të pavarura që janë të angazhuara për drejtësi, qeverisje demokratike dhe drejtat e njeriut./21Media
Dëshiron ta dëgjosh këtë lajm me zë?