Quinti deklarohet rreth Manastirit të Deçanit

 

Ambasadori i Italisë në Kosovë, Nicola Orlando, ka thënë se u është bashkuar kolegëve të tij të Quintit në inkurajimin e Qeverisë së Kosovës, duke zbatuar vendimin e Gjykatës Kushtetuese të vitit 2016 për regjistrimin e tokës së manastirit të Deçanit.

“Iu bashkova kolegëve të mi të Quint-it në inkurajimin e Qeverisë së Kosovës që të përmbushin angazhimin e tyre në sundimin e ligjit, duke zbatuar urgjentisht vendimin e Gjykatës Kushtetuese të vitit 2016 për regjistrimin e tokës së manastirit të Deçanit. Është koha për zgjedhje të guximshme”, ka shkruar Orlando në Twitter.

Ai ka postuar edhe deklaratën e shefave të misioneve të Francës, Gjermanisë, Italisë, Britanisë së Madhe dhe SHBA-së në Kosovë ku kërkohet nga Qeveria e re e vendit që pa vonesa “të vazhdojë me regjistrimin ligjor në përputhje me vendimin e Gjykatës Kushtetuese”.

“Më 22 mars, qeveria e re është emëruar me mandat të fuqishëm për reforma dhe respektimin e sundimit të ligjit. Një nga provat kryesore të vendosmërisë së tij do të jetë zbatimi i vendimit të Gjykatës Kushtetuese të Kosovës, i marrë në maj 2016 mbi regjistrimin e tokës së Manastirit të Deçanit. Respektimi i sundimit të ligjit është detyrim për të gjitha qeveritë. Shefat e misioneve të të Francës, Gjermanisë, Italisë, Britanisë së Madhe dhe SHBA-së inkurajojnë fuqishëm Qeverinë e Kosovës që pa vonesa të mëtejshme të vazhdojë me regjistrimin ligjor në përputhje me vendimin e Gjykatës Kushtetuese”, thuhet në deklaratë.

I joined my Quint colleagues in encouraging the Government of #Kosovo to make good on their commitment to the rule of law, by urgently implementing the 2016 Constitutional Court decision on the registration of Decani monastery’s land. It’s time for brave choices!

🇮🇹🇪🇺🇽🇰 https://t.co/F93mHscP1i

— Nicola Orlando (@nicolaorlando) May 19, 2021