Nga 22 shtatori rikthehet puna në ambulancat specialistike

Shërbimi Spitalor Klinik Universitar i Kosovës, ka bërë të ditur se do të rifilloj puna në ambulancat specialistike.
Sipas SHSKUK-së nga data 22 shtator 2021, do të rikthehet puna në ambulanca specialistike, për shkak të rënies së numrit të pacientëve të spitalizuar me COVID-19.
Gjithashtu, SHSKUK ka theksuar se nga sot hapsirat klinike interne janë liruar sepse nuk ka më pacientë me COVID-19.
Ndërsa, pritet që pas dezinfektimit të hapësirave klinikat të kthehen në hapësirat e tyre.
Kujtojmë që, tri javë më parë ishte pezulluar puna në ambulancat specialistike në Qendrën Klinike Universitare të Kosovës (QKUK). Kjo për arsyeje të rritjes së numrit të spitalizuarve me COVID-19./21Media