Ambasada e ShBA-së për reciprocitetin: Nevojiten hapa të menjëhershëm për të zvogëluar tensionet
Ushtruesi i Detyrës së ambasadorit të Shteteve të Bashkuara të Amerikës në Prishtinë, Nicholas J. Giacobbe sot ka deklaruar se në takimin e mbajtur me kryeministrin Kurti ka diskutuar për reciprocitetin për targa ndaj Serbisë.
Giacobbe ka theksuar se duhet të bëhen hapa të menjëhershëm për të zvogëluar tensionet.
“Veprimet mund të kenë pasoja të padëshiruara që ndikojnë negativisht në jetën e përditshme të qytetarëve.”, ka shkruar Giacobbe.
Good meeting w/ PM @albinkurti on importance of reengaging in the EU-facilitated Dialogue to resolve license plates & other issues. Immediate steps are needed to de-escalate tensions. Actions can have unintended consequences adversely impacting everyday lives of citizens.
— Nicholas J. Giacobbe, Jr (@USAmbKosovo) September 23, 2021
Ndryshe, Qeveria e Kosovës të hënën e ka vendosur masën e reciprocitetit ndaj Serbisë. Veturat me targa të Serbisë do të mund të qarkullojnë në Kosovë vetëm nëse i heqin ato dhe pajisen me targa të përkohshme të Republikës së Kosovës./21Media
Dëshiron ta dëgjosh këtë lajm me zë?