Brenda këtij viti vodhi 11 banesa, arrestohet 32-vjeçari

Policia e Vlorës në Shqipëri ka arrestuar në flagrancë të dyshuarin e 11 vjedhjeve të banesave në qytet.
Po ashtu, policia bën me dije se ky person kishte edhe precedentë të mëparshme penalë për vjedhje.
Nga hetimet e kryera rezulton se ky person është autori i dyshuar i 11 vjedhjeve banesash të ndodhura më parë, në qytetin e Vlorës.
“Në vijim të punës për parandalimin e vjedhjeve, zbardhjen e atyre të ndodhura më parë, evidentimin dhe kapjen e autorëve, Policia Vlorë finalizoi operacionin e koduar “Brava”, si rezultat i të cilit arrestuan në flagrancë shtetasin E. D., 32 vjeç, banues në Vlorë, i dënuar më parë për veprën penale “Vjedhja””, ka njoftuar policia.
Vjedhjet e kryera:
Më datë 29.10.2021, ka vjedhur në banesën e shtetasit T. M.
Më datë 28.10.2021, ka vjedhur disa bizhuteri në banesën e shtetases Y. H.
Më datë 26.10.2021, ka vjedhur një shumë parash në banesën e shtetasit K. Z.
Më datë 21.10.2021, ka vjedhur një shumë parash në banesën e shtetasit M. P.
Më datë 22.10.2021, ka vjedhur një shumë parash dhe sende me vlerë në banesën e shtetases V. B.
Më datë 01.09.2021, ka vjedhur në banesën e shtetasit H. C.
M datë 15.08.2021, ka vjedhur në banesën e shtetases M. M.
Më datë 03.08.2021, ka vjedhur në banesën e shtetases L. Y.
Më datë 05.06.2021, ka vjedhur një shumë parash dhe sende me vlerë në banesën e shtetasit Ç. T.
Më datë 04.06.2021, ka vjedhur disa sende me vlerë në banesën e shtetases B. A.
Më datë 31.05.2021, ka vjedhur disa elektroshtëpiake në banesën e shtetases S. A.
Në cilësinë e provës materiale u sekuestruan disa prej sendeve të vjedhura dhe mjetet të cilat autori i përdorte për realizimin e vjedhjeve.
Materialet i kaluan Prokurorisë së Rrethit Gjyqësor Vlorë, për veprën penale “Vjedhja”.