Gjyshi i të plagosurit në Gllogjan: Nuk dyshojmë në askënd
Stafi mjekësor në Spitalin e Pejës kanë përfunduar me sukses operacionin duke heq gëzhojën nxënësit të shkollës së mesme, i cili mbeti i plagosur nga të shtënat me armë automatike në fshatin Gllogjan të Deçanit.
Gjyshi i tij, Musli Turkaj, ka thënë se ai është nxënës i shkollës së mesme ekonomike në Gjakovë dhe çdo ditë udhëton nga fshati Dubravë.
Ai duke i shprehur ngushëllime të gjithë familjeve që humbën më të dashurit të tyre, ka thënë se rasti ka ndodhur duke u kthyer në shtëpi.
“Ai është nxënës i shkollës së mesme ekonomike në Gjakovë duke u kthyer ka ndodhur ngjarja. U shpreh ngushëllime të gjitha atyre familjeve që kanë humbur me të dashurit. Flianti ishte në operacion, sipas mjekësve operacioni është kryer me sukses, plumbin ia kanë heq që i ka mbet në këmbë, po ndihet mirë. Mjekët thanë se tash nuk ka problem”, ka thënë ai, duke shtuar se mjekët i thanë se nuk është në gjendje të rënd dhe gjithçka do të bëhet mirë për nipin e tij.
Tutje, ka treguar se nuk kanë diskutuar me nipin e tij pasi ai nuk ka qenë në gjendje të flas.
“Nuk e dinë tani veç organet i dinë këtu punë….ka qenë një vajzë skaj tij, po thonë që e ndjera….nuk kemi si me pas ne dyshime, si mund të kemi dyshime kur gjuhet në nxënës”, ka thënë ai.
Ai ka thekuar se linja e autobusit është nga Gjakova kalon nëpër fshatra të Deçanit dhe rikthehet në Gjakovë.
Dëshiron ta dëgjosh këtë lajm me zë?