Ministrja Rizvanolli u kërkon deputetëve të votojnë shpalljen e gjendjes emergjente për energjinë
Ministrja e Ekonomisë, Artane Rizvanolli, sot në seancën e Kuvendit u ka kërkuar deputetëve të votojnë shpalljen e gjendjes emergjente për energjinë në Kosovë.
“Aprovimi i një vendimi të tillë i mundëson qeverisë të zbatojë masat menjëherë, megjithëse i njëjti duhet të aprovohet edhe nga Kuvendi brenda 7 ditësh. Masat duhet të jenë në fuqi deri në 60 ditë. Propozim vendimi parasheh themelimin e Komitetit teknik emergjent”, ka deklaruar ajo.
Sipas ministres, vendosja e masave nuk do të thotë që masat vendosen menjëherë, por ia jep të drejtën qeverisë që të vendosë masa në kohëzgjatjen që e sheh të domosdoshme për të tejkaluar krizën më lehtë.
“Andaj ju deputetë, ju ftoj ta aprovoni këtë vendim”, ka shtuar ajo.
Dëshiron ta dëgjosh këtë lajm me zë?