Mariupol, zyrtarët ukrainas kanë frikë se numri i viktimave është rritur

Zyrtarët në qytetin juglindor të Mariupolit, pranë kufirit me Rusinë, thonë se kanë frikë se një numër i madh njerëzish mund të jenë të vdekur pas shumë orësh granatime të vazhdueshme në qytet.
Nënkryetari i bashkisë Sergiy Orlov thotë se një lagje buzë lumit, zakonisht shtëpia e 130,000 njerëzve duke përfshirë babain e tij, është pothuajse e shkatërruar plotësisht.
“Ne nuk mund të llogarisim numrin e viktimave atje, por besojmë se të paktën qindra njerëz kanë vdekur. Ne nuk mund të hyjmë për të tërhequr trupat. Ushtria ruse po punon me të gjitha armët e saj këtu – artileri, sisteme të shumta lëshim raketash, aeroplanë, raketa taktike. Ata po përpiqen të shkatërrojnë qytetin”, thotë Orlov.
Ai thotë se forcat ruse janë disa kilometra larg nga të gjitha anët.
“Ushtria ukrainase është shumë e guximshme dhe ata do të vazhdojnë të mbrojnë qytetin, por stili i ushtrisë ruse është si piratët. Ata nuk luftojnë me ushtrinë e tyre, ata thjesht shkatërrojnë rrethe të tëra”, thotë Orlov./21Media