Sot temperatura pranverore, por në fundjavë do të ketë edhe borë!

Gjatë ditës së sotme do të mbajë mot i ngrohtë me vranësira të shpërndara dhe me intervale me diell.
Në ditët në vazhdim pritet që në viset malore të ketë edhe reshje shiu e bore.
“Mot me diell dhe temperatura tipike pranverore do të vazhdojë edhe për gjatë pesë ditëve të parashikimit. Nga dita e premte do të ketë ulje të presionit atmosferik gjë që do të ndikojë edhe në çrregullimin e disa parametrave meteorologjik. Kjo situatë e parashikuar do të krijojë kushte për mot të vranët dhe me reshje të shiut të cilat pastaj gjatë vikendit parashihen të rrisin intensitetin. Në vise të larta parashihen reshje bore, ndërsa në viset e ulëta dhe mesatare reshjet e shiut parashihen të jenë të përziera me borë”, thuhet në njoftimin e Institutit Hidrometeorologjik të Kosovës.
Temperaturat minimale do të lëvizin ndërmjet 0-7 gradë Celsius, ndërsa maksimalet e ditës parashihen të lëvizin ndërmjet 17-21 gradë Celsius.
Do të fryjë erë kryesisht nga jugperëndimi dhe më tej në vikend nga veriperëndimi me shpejtësi 1-9m/s./21Media