U bë ylli i shfaqjes pa dashje, kush është avokatja e Johnny Depp?

Miliona shikues anembanë globit u akorduan për të parë betejën ligjore mes dy yjeve të Hollivudit.
Ndërsa drama u shpalos, një yll i ri doli në qendër të vëmendjes: avokatja e Johnny Depp, Camille Vasquez.
37 vjeçarja është bërë një bashkë-yll i padëshiruar i shfaqjes, duke fituar fansa për stilin e saj të mprehtë ligjor.
Bluzat e zbukuruara me emrin e saj dhe hashtags që e lavdërojnë po bëjnë xhiron e rrjeteve sociale.
“Unë jam ende një fanse e Johnny Depp”, thuhet në një nga postimet e shumta në Twitter për të. “Por unë jam gjithashtu një fanse e vendosur e Camille Vasquez”.
Një video dy minutëshe e Vasquez duke ndërprerë në mënyrë të përsëritur avokatin e Heard për të “kundërshtuar” – një term ligjor i përdorur për të paraqitur një protestë zyrtare në gjykatë – ka grumbulluar mbi 27 milionë shikime në TikTok në vetëm pak ditë.
Klipi viral madje ka shkaktuar parodi nëpër rrjetet sociale, në të cilat përdoruesit “kundërshtojnë” miqtë dhe familjen e tyre në bisedë.
Së bashku, videot e TikTok duke përdorur hashtagun #CamilleVasquez kanë grumbulluar qindra miliona shikime./21Media