12 milionë ukrainas janë larguar nga shtëpitë e tyre që nga fillimi i luftës

Pothuajse 12 milionë njerëz janë zhvendosur nga shtëpitë e tyre që nga fillimi i pushtimit rus të Ukrainës, sipas presidentit të vendit Volodymyr Zelensky.
Në një fjalim në parlamentin e Luksemburgut të enjten, Zelensky tha se trupat ruse kanë hyrë në 3,620 vendbanime në Ukrainë, nga të cilat 1,017 janë marrë përsëri nga ukrainasit, ndërsa 2,603 mbahen ende nga Rusia.
Zelensky tha se më shumë se 5 milionë njerëz, kryesisht gra dhe fëmijë, janë larguar nga Ukraina që nga fillimi i luftës.
Sipas përditësimit të fundit nga Agjencia e OKB-së për Refugjatët, vlerësohet se 6.6 milionë refugjatë u larguan nga Ukraina që nga fundi i shkurtit, me 2.1 milionë njerëz që u kthyen në Ukrainë që nga 28 shkurti. 8 milionë të tjerë janë zhvendosur brenda vendit, që do të thotë se ata ikën nga shtëpitë e tyre, por qëndruan diku tjetër në Ukrainë./21Media