Politika serbe përzihet në sport, pingpongistëve iu mohohet pjesëmarrja në Evropian!
Pingpongistëve të Kosovës i është mohuar pjesëmarrja me të drejta të barabarta me shtetet tjera në Kampionatin Evropian të Pingpongut U-21, që po mbahet në Beograd të Serbisë.
Komiteti Olimpik i Kosovës (KOK) sot ka informuar se ka qenë në kontakt të vazhdueshëm me Federatën e Pingpongut të Kosovës gjatë procesit të pjesëmarrjes në Evropian, për çka e dënon veprimin e radhës të përzierjes së politikës serbe në sport, e që nuk është rasti i parë, kur bëhet fjalë për sportistët tanë.
KOK shpreson që Federata Evropiane e Pingpongut (ETTU), të marrë masat e nevojshme ndaj organizatorit të Evropianit, në këtë rast Serbisë, me besimin se diskriminimet e tilla do të marrin fund një herë e përgjithmonë./21Media
Lexim me zë
Dëshiron ta dëgjosh këtë lajm me zë?