Përmbytje në Itali, të paktën tetë të vdekur

May 18, 2023Përditesimi i fundit: May 18, 2023

Të paktën tetë persona kanë vdekur për shkak të përmbytjeve në rajonin Emilia-Romagna të Italisë dhe mijëra njerëz janë evakuuar nga shtëpitë e tyre, kanë thënë autoritetet italiane, raporton ANSA.

Nga mbrëmja e djeshme deri në mëngjesin e së enjtes, praktikisht të gjitha rrjedhat ujore midis Riminit dhe Bolognas u vërshuan nga brigjet e tyre, duke përmbytur zona të gjera të Romagnas.

Autoritetet lokale njoftuan se përmbytjet kanë prekur 37 qytete dhe se janë regjistruar rreth 120 rrëshqitje dheu.

Agjencia për Mbrojtje Civile paraprakisht kishte paralajmëruar se reshjet nuk kanë mbaruar dhe se është situatë shumë e komplikuar.

Si pasojë e stuhisë, 50 mijë persona kanë mbetur pa energji elektrike.

Shkollat ​​do të qëndrojnë të mbyllura të enjten në shumicën e komunave të prekura, veçanërisht në rajonin e Bolognas dhe Romagnas.

Tags
May 18, 2023Përditesimi i fundit: May 18, 2023
Back to top button