Të paktën 24 të vdekur pas shembjes së tempullit, rrëshqitjeve të dheut në Indi

Të paktën 24 persona kanë vdekur, nëntë prej tyre në një shembje tempulli dhe dhjetëra të tjerë dyshohet se janë zhdukur pasi shirat intensivë shkaktuan përmbytje dhe rrëshqitje dheu në rajonin e Himalajeve të Indisë.

Ditët e reshjeve të rrëmbyeshme kanë marrë me vete automjete, kanë shkatërruar ndërtesa dhe ura në shtetet veriore të Uttarakhand dhe Himachal Pradesh.

Përmbytjet dhe rrëshqitjet e tokës janë të zakonshme dhe shkaktojnë shkatërrim të gjerë gjatë sezonit të musonit.

Sukhvinder Singh Sukhu, kryeministri i shtetit më të prekur Himachal Pradesh, tha se të paktën 16 njerëz kishin vdekur në 24 orët e fundit, duke përfshirë nëntë në shembjen e një tempulli hindu në kryeqytetin Shimla.

Mijëra njerëz janë bllokuar, me rrugë kyçe, linja elektrike dhe rrjete komunikimi të ndërprera. /21Media