Abbott shkruan rreth vizitës së Cameronit: Kemi përgjegësinë të ruajmë krejt çka u arrit përmes dialogut
Ambasadori i Mbretërisë së Bashkuar në Prishtinë, Nicholas Abbott, ka shkruar rreth vizitës së Sekretarit e Jashtëm të shtetit të tij në Kosovë.
Ai e ka cilësuar këtë si vizitë të rëndësishme.
“Kjo ishte një vizitë e rëndësishme në një moment të rëndësishëm për të rikonfirmuar përkrahjen e Mbretërisë së Bashkuar për sovraniteti, sigurinë dhe të ardhmen e Kosovës”, ka shkruar Abbott.
Më tej Abbott ka njoftuar se pjesa me e madhe e kësaj vizite është fokusuar në takimet me liderët e shtetit dhe me vizitën që Sekretari Cameron ka bërë tek trupat e Britanisë së Madhe që janë në Kosovë në kuadër të KFOR-it.
“Ai dëgjoi nga dora e parë për rëndësinë e mbështetjes së qëndrueshme për të mbijetuarit dhe trajtimin e stigmës, si dhe nevojën urgjente për të zhbllokuar bashkëpunimin rajonal për personat e zhdukur për t’u siguruar familjeve të të zhdukurve një fund ngushëllues dhe llogaridhënie”, ka shkruar Abbott.
Po ashtu ambasadori britanik ka shkruar edhe edhe vizitës së Cameron në Manastirin e Graçanicës, duke thënë se aty është diskutuar për rëndësinë e mbrojtjes së rolit fetar të Kishës Ortodokse Serbe për komunitetin serb në Kosovë dhe rolin jetik të autoriteteve fetare në nxitjen e stabilitetit në të gjitha komunitetet në Kosovë.
“Të gjitha këto takime nënvizuan pse, në një kohë kaq të vështirë globalisht, ne duhet të parandalojmë rikthimin e konfliktit në rajon. Ne kemi përgjegjësinë të bëjmë gjithçka që mundemi për të ruajtur arritjet e arritura përmes paqes dhe dialogut. Siç e bëri të qartë Lord Cameron në takimet e tij, nuk ka alternativë për zgjidhjen e çështjeve të pazgjidhura përveçse nëpërmjet dialogut dhe zbatimit të plotë të marrëveshjeve të mëparshme”, ka përfunduar Abbott./21Media
Dëshiron ta dëgjosh këtë lajm me zë?