Akademia e Oscars reagon pas incidentit mes Smith dhe Rock
Akademia e “Oscar” ka dënuar incidentin e aktorit Will Smith i cili në natën e ndarjes së çmimeve Oscars, goditi me shuplakë prezantuesin Chris Rock.
Akademia përmes një postimi në Twitter tha se nuk e pranon dhunën.
“Akademia nuk e pranon dhunën e asnjë forme. Sonte kemi kënaqësinë të festojmë fituesit tanë të 94-të të çmimeve Oscar, të cilët meritojnë këtë moment njohjeje nga bashkëmoshatarët e tyre dhe dashamirësit e filmit në mbarë botën”, ka shkruar Akademia në Twitter.
The Academy does not condone violence of any form.
Tonight we are delighted to celebrate our 94th Academy Awards winners, who deserve this moment of recognition from their peers and movie lovers around the world.— The Academy (@TheAcademy) March 28, 2022
Gjithçka ndodhi pasi që, Rock bëri një shaka për paraqitjen e gruas së Smith, Jada Pinkett Smith, duke thënë: “Jada, të dua. GI Jane 2, mezi pres ta shoh, në rregull?”.
Smith, doli në skenë dhe goditi me shuplakë Rockun, duke krijuar një zhurmë të madhe. Smith u kthye në ndenjësen e tij dhe bërtiti që Rock të linte rehat Pinkett Smith. Rock u përgjigj se ai thjesht po bënte një shaka “GI Jane”./21Media