Akil Gjakova më afër medaljes së bronztë në Paris
(Lajm i përditësuar)
Xhudisti kosovar, Akil Gjakova, ka fituar luftën e parë të repesazhit në Grand Slamin e Parisit.
Ai arriti që ta mposhtë Adil Osmanovin e Moldavisë me uazari në kohën shtesë.
Tani atij i ka mbetur që të përballet me Behruzi Khojazodan e Taxhikistanit për medaljen e bronztë.
Gjakova pëson nga Akhadovi, vazhdon në repesazh
Akil Gjakova do ta kërkojë përmes repesazhit medaljen e bronztë në Grand Slamin e Parisit. Në çerekfinale, Akili humbi nga Shakhram Akhadovi i Uzbekistanit.
Pas dhjetë minutash luftë, Akili mori dënimin e tretë.
Akhadov kaloi në gjysmëfinale, ndërsa Gjakovës tani i duhen edhe dy fitore për medaljen e bronztë.
Akil Gjakova shkon në çerekfinale
Akil Gjakova ka kaluar në çerekfinale të Grand Slamit në Paris me një super gjuajtje.
Në luftën e tretë, Akili e mposhti me Ippon të jashtëzakonshëm kanadezin Arthur Margelidon.
Akil Gjakova kalon edhe pengesën e dytë në Grand Slam
Akil Gjakova ka kaluar pengesën e dytë në Grand Slamin e Parisit.
Në xhiron e tretë e mposhti xhudistin nga Azerbajxhani, Rashid Mammadaliyev.
Lufta ishte shumë taktike, ndërsa u vendos me dënime.
Mammadaliyevi pësoi tri dënime dhe fitorja i takoi xhudistit kosovar.
Akil Gjakova e kalon pengesën e parë në Grand Slam
Akil Gjakova e ka nisur poashtu mbarë aventurën në Grand Slamin e xhudos që po mbahet në Paris.
Xhudisti kosovar në raundin e dytë triumfoi ndaj turkut, Umalt Demirel në kategorinë deri në 73 kilogramë.
Ishte fitore me mund të madh dhe me një IPPON tek në “Golden Score”.
Raundin e dytë sot e kaloi gjithashtu edhe Dardan Cena në kategorinë e njëjtë.