Aksident në Arllat, vdiq edhe personi i dytë
Ka ndërruar jetë edhe personi i dytë nga një aksident trafiku që ndodhi mbrëmë rreth orës 20:00, në fshatin Arllat në rrugën Prishtinë-Pejë.
Lajmin për portalin rtv21.tv e ka konfirmuar zëdhënësi i Policisë, Daut Hoxha.
“Është shkaktuar aksident trafiku në mes dy automjeteve-kamionë, ku si pasojë, kanë humbur jetën dy persona meshkuj kosovarë”, ka konfirmuar Hoxha.
Trupat e pa jetë janë dërguar në Institutin e Mjekësisë Ligjore (IML) për obduksion.
Sipas policisë, është arrestuar vozitësi i kamionit dhe i njëjti me vendim të prokurorit është dërguar në mbajtje./21Media