Aksioni “Subvencioni 2021”, lirohet njëri nga të arrestuarit

 

Hetuesit policor nga Drejtoria për Hetimin e Krimeve Ekonomike dhe Korrupsionit në bashkëpunim me Prokurorinë Themelore në Prishtinë kanë realizuar gjatë ditës së mërkurë operacionin “Subvencioni 2021” në Prishtinë, Istog, Gjilan dhe Lipjan ku janë arrestuar 12 persona nën dyshimin për keqpërdorim të pozitës zyrtare si dhe marrje e dhënie ryshfeti.

Policia e Kosovës përmes raportit 24 orësh ka njoftuar se me urdhër të prokurorit 11 zyrtarët e arrestuar janë dërguar në mbajtje 48 orë ndërsa njëri nga ta është liruar në procedurë të rregullt. Rasti është duke u hetuar.

Në bazë të provave janë bërë bastisje në disa zyre dhe vendbanime të personave ku janë konfiskuar: 433,160.00 euro, 600 dollarë, 200 franga, 275 lira turke, 15 telefona, 8 vetura, një kompjuter, 5 armë, një USB dhe një vulë./21Media

Back to top button