Aliu uron deputeten e PDK-së të bëhet ministre

Ministri i Mjedisit, Planifikimit Hapësinor dhe Infrastrukturor, Liburn Aliu ia ka ngatërruar pozitën deputetes së PDK-së, Floretë Zejnullahu.
Duke iu kundërpërgjigjur së njëjtës, gjatë seancës së Kuvendit, Aliu iu referua si ministre asaj, por duke kërkuar falje, ai e ka uruar që mandatin që vjen të bëhet ministre.
“Po ministre, deputete më fal. Uroj që të jesh ministre në mandatin që vjen”, ka thënë Aliu.
Këtë e kanë mirëpritur deputetët e PDK-së, duke aloduar se partia e tyre do të marrë pushtetin, por ministri ka theksuar se Zejnullahu do të bëhet me ta, pasi sipas tij origjina është e tillë.
“Me neve do të bëhet, me neve. Origjina është e tillë, a po kupton”, ka theksuar Aliu.