AP: Kosova drejt zgjedhjeve të parakohshme në një krizë të zgjatur politike

Kosova po shkon drejt zgjedhjeve të treta parlamentare brenda më shumë se një viti, pasi ligjvënësit dështuan vazhdimisht të zgjidhnin një president të ri, duke e shtyrë kombin e ri ballkanik në një pasiguri të re politike, shkruan agjencia e lajmeve Associated Press (AP), përcjell portali rtv21.tv

Parlamenti, i cili është i ngarkuar me zgjedhjen e presidentëve të Kosovës, të martën u përball me një afat deri në mesnatë për të zgjedhur një pasardhës të Presidentes Vjosa Osmani, mandati i së cilës skadoi më herët këtë muaj. Kur dështoi ta bënte këtë, legjislatura u shpërbë automatikisht, vijon AP.

Zgjedhjet e parakohshme duhet të mbahen brenda 45 ditëve të ardhshme, por një datë për votimin e ri nuk u njoftua menjëherë.

Analisti politik Ilir Deda parashikoi se zgjedhjet e ardhshme ka të ngjarë të mbahen në qershor. Votimi, shtoi Deda, do të vërë në provë “nëse njerëzit janë të gatshëm t’i mbajnë politikanët përgjegjës”.

Vendi i vogël ballkanik me 2 milionë banorë është përballur me trazira politike që prej zgjedhjeve të shkurtit 2025 që përfunduan në mënyrë të paqëndrueshme, duke rezultuar në muaj të tërë bllokimi politik., përfundon Associated Press (AP).