Apelohen qytetarët që të kenë kujdes me ushqimin

Instituti Kombëtar i Shëndetësisë Publike të Kosovës (IKSHPK), u ka bërë thirrje qytetarëve për kujdes të shtuar gjatë gatimit, ruajtjes dhe shpërndarjes së ushqimit.
Në shkrimin e IKSHPK-së në Facebook thuhet se shumë qytetarët për shkak të konsumimit të ushqimit të kontaminuar kanë përfunduar në spital. “Ata falë përkujdesjes së ekipit të mjekëve janë jashtë rrezikut për jetë”, bëhet e ditur në njoftim.
Instituti Kombëtar i bënë thirrje popullatës:
Kujdes i shtuar ku konsumohet ushqimi.
Shmangia e konsumimit të mishit të papërpunuar termikisht.
Shmangia e konsumimit të ushqimit që përmban vezë të freskëta, si majoneza, soset e ndryshme, etj.
Konsumimi i qumështit të pasterizuar ose të zier.
Shmangia e konsumimit të djathit të freskët nga qumështi jo i pasterizuar ose zier.
Frutat dhe perimet të lahen me ujë të bollshëm.
Nuk preferohet konsumimi i ushqimit që ka qëndruar jashtë frigoriferit për më shumë se 2 orë.
Ruajtja e ushqimit të mbetur në frigorifer.
Ushqimi i ngrirë i cili është shkrirë duhet të konsumohet sa më shpejt ose të hidhet. Nuk duhet të ringrihet.
Duart duhet të lahen dhe thahen:
– para se të filloni të përgatisni ushqimin
– pasi të prekni mishin e freskët, peshkun, vezët ose perimet
– pas përdorimit të tualetit
– pasi të pastroni hundën
– pasi të prekni një kafshë
– pasi të prekni ndonjë plagë apo prerje në trup.
“Mos hani ushqim kudo. Pakujdesia shkakton epidemi me rrezik për jetën e qytetarëve”, apelon Instituti Kombëtar i Shëndetësisë Publike të Kosovës./21Media