Aplikimi i Kosovës për anëtarësim, ngjarja kryesore e sesionit pranveror të KiE-së
Asambleja Parlamentare e Këshillit të Evropës ka njoftuar se kërkesa e Kosovës për tu bërë pjesë e KiE do të jetë puna kryesore e këtij sesioni pranveror.
“Një debat mbi aplikimin e Kosovës për anëtarësim në Këshillin e Evropës dhe votimi i një projekt-opinioni, do të jetë një moment kryesor i sesionit pranveror të Asamblesë Parlamentare të Këshillit të Evropës (APKE), që do të mbahet në Strasburg më 15 -19 prill 2024”, ka shkruar Asambleja Parlamentare e KiE në platformën “X”.
Tutje, janë bërë të ditura edhe ngjarjet e tjera të cilat do të jenë në qendër të diskutimit gjatë këtij sesioni.
“Vdekja e Navalny, kundër #Putinit, rindërtimi i Ukrainës duke përdorur asetet e ngrira ruse, liria e shprehjes LGBTI, AI dhe të drejtat e njeriut, e drejta për një mjedis të shëndetshëm”, janë disa nga ngjarjet të cilat i ka bërë të ditura Asambleja Parlamentare./21Media
The spring session is coming!
🇪🇺 #Kosovo*’s request to join the @coe
🇪🇺 #Navalny‘s death, countering #Putin
🇪🇺 Rebuilding 🇺🇦 using frozen Russian assets
🇪🇺 #LGBTI freedom of expression
🇪🇺 #AI and human rights
🇪🇺 The right to a healthy environment🌱More:https://t.co/NjT2OnKTEs pic.twitter.com/WFejxruoCG
— PACE (@PACE_News) April 5, 2024