Aplikimi për anëtarësim në NATO, Suedia dhe Finlanda përpiqen të bindin Turqinë

Përfaqësuesit e Suedisë dhe Finlandës takojnë sot zyrtarët turq për bisedime rreth aplikimeve të tyre për t’u anëtarësuar në NATO.
Të dy vendet paraqitën ofertat e tyre për t’u bashkuar me aleancën ushtarake perëndimore pas luftës së Rusisë në Ukrainë. Vendet kanë nevojë për mbështetjen e të 30 anëtarëve të NATO-s. Por, Turqia kundërshtoi ofertat e tyre, shkruan BBC.
Ministri i jashtëm finlandez tha se shpresonte që të dyja palët të mund të sqaronin mosmarrëveshjet e tyre./21Media