Arifi ka publikuar disa nga projektet milionëshe që i pezullohen Kosovës nga masat

Ish-ambasadori i Kosovës në Emiratet e Bashkuara Arabe, Avni Arifi ka publikuar katër nga projektet milionëshe të cilat janë pezulluar për shkak të vendosjes së masave nga BE-ja për Kosovën.

“Projekti i parë i anuluar me vlerë prej 87 milion Euro godet 38.000 banorë të Prishtinës të cilët do të lidheshin me ngrohjen qendrore të qytetit në vitin 2027. Projekti i dytë i anuluar me vlerë prej 110 milion Euro ka të bëjë me ndërtimin e kapaciteteve për energji solare mbi deponit e pluhurit të KEK e që do të prodhonte 110MË energji elektrike apo mbi 13% të kapaciteteve ekzistuese të Kosovës”, ka shkruar Arifi.

Sipas tij projekti i tretë i anuluar është “autostrada Merdare- Prishtinë me vlerë 207.7 milion Euro dhe e cila godet kryesisht diasporën dhe mban lartë koston e transportit të mallrave nga e për Kosovë”

“Projekti i katërt ka të bëjë me bashkëpunim ndër universitarë në mes të Universiteteve të Kosovës dhe rrjetit të 500 Universiteteve Europiane. 14.4 milion Euro do të ishte përfitimi i menjëhershëm dhe mundësi të shumta për studentët tonë që të marrin dije nëpër shumë universitete Europiane”, ka shkruar Arifi./21Media

Back to top button