Arrestohen dy persona për mashtrim
Dy persona dje janë arrestuar për veprën penale të mashtrimit, të raportuar më datë 17.08.2022.
Siç ka bërë të ditur Policia, personat e dyshuar që janë arrestuar janë: F.C, mashkull 33 vjeç, shtetas i Republikës së Kosovës, si dhe R.S femër 21 vjeç, shtetase e Republikës së Kosovës, me aktvendim mbi ndalimin e personit të dyshuar të nxjerrë nga ana e prokurorit të shtetit, janë dërguar në qendrën e mbajtjes për 48 orë.
“Mbështetur në rezultate e para të hetimit, policia ka ngritur dyshimin e bazuar se të njejtit dyshohet të kenë marrë nga ankuesi shuma të ndryshme parash për investim në kripto valuta (vlera e përafërt arrinë deri në 500000 euro) duke i premtuar përfitime të mëdha. Për më shumë dyshohet që mashtrimi mund të ketë ndodhur në vazhdimësi për një periudhë të gjatë kohore dhe dyshohet se numri i personave të mashtruar nga personat e dyshuar mund të jetë më i madh se sa numri i raportuar.”, ka bërë të ditur Policia./21Media
Dëshiron ta dëgjosh këtë lajm me zë?