Arrestohen prindërit e 15-vjeçarit që vrau 4 nxënës në shkollë

Prindërit e një adoleshenti të dyshuar për të shtënat në shkollë që lanë katër të vdekur janë arrestuar në Detroit disa orë pasi ishin në arrati, thonë mediat amerikane.
James dhe Jennifer Crumbley nuk ishin paraqitur në gjykatë të premten, transmeton rtv21.tv.
Çifti akuzohet se ka injoruar shenjat paralajmëruese përpara tërbimit të pretenduar të djalit të tyre.
Oficerët nga policia e Detroitit dhe Marshallët e SHBA – një shërbim federal i zbatimit të ligjit – kontrolluan zonën afër qendrës së Detroitit dhe e gjetën çiftin në një bodrum.
Marshallët e SHBA-së kishin ofruar një shpërblim prej 10,000 dollarësh për informacionin që çonte në arrestimin e tyre.
Avokati i Crumbleys kishte thënë më herët për BBC se çifti nuk po ikte nga zbatimi i ligjit, përkundrazi ata ishin larguar nga qyteti natën e të shtënave “për sigurinë e tyre”.
Ethan Crumbley, 15 vjeç, akuzohet se përdori armën e babait të tij për të qëlluar me shokët e klasës në Michigan. Ai është deklaruar i pafajshëm.
Ai thuhet se ka hapur zjarr ndaj shokëve të tij nxënës dhe mësues në shkollën e tij në Oksford, të martën.
Katër të vrarët ishin Tate Myre, 16 vjeç, Madisyn Baldëin, 17, Hana St Juliana, 14 dhe Justin Shilling, 17 vjeç. Shtatë të tjerë u plagosën.
Ethan Crumbley po akuzohet si i rritur dhe po përballet me një akuzë për terrorizëm, katër akuza për vrasje të shkallës së parë, shtatë akuza për sulme me qëllim për vrasje dhe 12 akuza për posedim të një arme zjarri./21Media