Pas arrestimit të drejtorit të Financave të Komisionit të Pavarur të Mediave, Arben Bilalli, në pranga ka përfunduar edhe kryeshefi Luan Latifi.
Bëhet e ditur se i arrestuari i radhës në KPM është kryeshefi Latifi.
Menjëherë pas arrestimit të Bilallit reagoi KPM, e cila i ofroi Prokurorisë së Shtetit bashkëpunim të plotë për zbardhjen e rastit.
Mbrëmë u arrestua edhe drejtori i këtij Komisioni, Arben Bilalli.
Sipas Prokurorisë, Bilalli dyshohet se ka marrë ryshfet në vlerë prej 8,000 euro me premtimin se do të ndikojë në mosndëshkimin e një subjekti biznesor, për një shkelje të pretenduar nga i dyshuari, gjoja se ky subjekt biznesor i ka shkelur rregullat e KPM-së.
Ai është në pozita të larta në Komisionin e Pavarur të Mediave që nga viti 2008.
Komisioni i Pavarur të Mediave është institucion i pavarur i themeluar me Kushtetutën e Kosovës për rregullimin, menaxhimin dhe mbikëqyrjen e spektrit të frekuencave të transmetimit në Republikën e Kosovës.
Komisioni i Mediave trajton ankesat e qytetarëve për shkeljet e supozuara që mund t’i bëjnë mediat (televizionet dhe radiot) në etikë dhe në shfrytëzimin e licencës së transmetimit./kallxo