Policia e Kosovës ka arrestuar një person për shmangie nga tatimi. Siç thuhet në komunikatën e lëshuar nga Policia e Kosovës, i dyshuari që është pronar i një firme dyshohet se ka kryer transaksione me fatura fiktive.

“Në vazhdën e hetimeve sipas autorizimit të Prokurorisë kompetente, sot me datë 03.06.2021, Policia e Kosovës, konkretisht Drejtoria për Hetimin e Krimeve Ekonomike dhe Korrupsionit (DHKEK), në bashkëpunim me ATK-në, ka arrestuar një person të dyshuar mashkull (viti i lindjes 1967), pronar i një firme. I njëjti dyshohet se ka kryer transaksione me fatura fiktive”, thuhet në njoftimin e Policisë së Kosovës.

Ndaj personit të dyshuar prokurori kompetent ka nxjerrë aktvendim për ndalim prej 48 orëve për procedura të mëtejme.