Arrestohet për 12 mijë euro të falsifikuara

Në një lokal të lojërave të fatit vë në qarkullim një kartëmonedhë false

Një person është arresuar dje rreth orës 08:50 në Prishtinë për falsifikim të parave.

“Është arrestuar i dyshuari mashkull K/Shqiptar, i cili dyshohet se në një lokal të lojërave të fatit në një aparat kishte futur në qarkullim një kartëmonedhë në vlerë 500€ e cila dyshohet të jete e falsifikuar”, ka konfirmuar Policia e Kosovës.

Gjatë kontrollit te i dyshuari janë gjetur dhe konfiskuar 24 kartëmonedha në vlerë nga 500€ gjithsejtë 12 mijë euro të cilat dyshohet se janë të falsifikuara.

I dyshuari pas intervistimit me vendimin e prokurorit, është dërguar në mbajtje./21Media