Arrestohet personi që shkaktoi aksident nën ndikim të alkoolit

Policia e Kosovës ka arrestuar një person, i cili shkaktoi aksident komunikacioni nën ndikim të alkoolit.
Ngjarja ka ndodhur në rrugën “Rexhep Bislimi” Ferizaj, të mërkurën rreth orës 22:57.
“Deri te aksidenti ka ardhur kur njëri automjet i cili po qarkullonte nga rruga “Rexhep Bislimi” Ferizaj në drejtim të Gjilanit, me të arritur tek semaforët, shkakton aksident zinxhiror në dy automjete tjera , të cilët ishin të ndaluara në pritje në shenjën e semaforit. Më këtë rast , përveç dëmeve të shkaktuara materiale në të tri automjetet, lëndime.trupore pësojnë tre persona të cilët për ndihmë mjekësore dërgohen në Qendrën Emergjente në Ferizaj”, thuhet në njoftim.
Shkaktari i aksidentit me inicialet Sh.Q. 25 vjeçar, pasi është testuar me alkooltest ka rezultuar 2.49 promila.
I njëjti, me vendim të Prokurorit të Prokurorisë Themelore në Ferizaj është dërguar në mbajtje për 48 orë./21Media